سنسيزيم گوزليم
سنسيزيم گوزليم
آنا یارپاق              ایلگی              ایمیل              RSS              ATOM
بس شنيدم داستان بي كسي

 

بس شنيدم قصه ي دلواپسي

قصه ي عشق از زبان هركسي

گفته اند از مي حكايت ها بسي

حال بشنو از من اين افسانه را

داستان اين دل ديوانه را

چشمهتايش بويي از نيرنگ داشت

دل دريغا سينه اي از سنگ داشت

با دلم انگار قسط جنگ داشت

گويي از با من نشستن ننگ داشت

عاشقم من،عاشقم من

بسه هيچ انگار نيست

ليك با عاشق نشستن عار نيست

كار او آتش زدن من سوختن

در دل شب چشم بر در دوختن

من خريدن ناز،او نفروختن

باز آتش در دلم افروختن

سوختن در عشق را از برشديم

آتشي بوديم و خاكستر شديم

از غم اين عشق مردن باك نيست

خون دل هر لحظه خوردن باك نيست

آه ميترسم شبي رسوا شوم

بدتر از رسواييم، تنها شوم

واي از اين سيد و آه از آن كمند

پيش رويم خنده،پشتم پوزخند

برچنين نامهرباني دل مبند

دوستان گفتن،و دل نشنيد پند

خانه اي ويرانتر از ويرانه ام

من حقيقت نيستم،افسانه ام

گرچه سوزد پروري،پروانه ام

فاش ميگويم،كه من ديوانه ام

تا به كي آخر چنين ديوانگي

پيلگي بهتر از اين پروانگي

گفتمش ارام جاني؟گفت نه

گفتمش شيرين زباني؟گفت نه

گفتمش نامهرباني؟گفت نه

ميشود يك شب بماني ؟گفت نه!!!

دل شبي دور از خيالش سر نكرد

گفتمش افسوس او باور نكرد!

خود نميدانم خدايا چيستم

يك نفر با من بگويد كيستم!

بس كشيدم آه از دل بردنش

آه اگر آهم بگيرد دامنش

باتمام بيكسي ها ساختم

واي بر من ساده بودم باختم

دل سپردن دست او ديوانگيست

آه غير ازمن كسي ديوانه نيست

گريه كردن تا سحر كار من است

شاهد من،چشم بيمار من است

فكرمي كردم كه او يارمن است

نه،فقط در فكر آزارمن است

نيتش از عشق تنها خواهش است

دوستت دارم دروغي فاحش است

يك شب آمد زيرورويم كردو رفت

بغض تلخي در گلويم كردو رفت

مذهب او هرچه باداباد بود

خوش بحالش كه اينقدر آزاد بود

بي نياز از مستي مي شاد بود

چشمهايش مست مادر زاد بود

يك شبه از عمر سيرم كردو رفت

من جوان بودم،پيرم كرد و رفت..............




بؤلوم : شعر
۱۷ آذر ۱۳۹۰

دؤلانوردي گئجه لر كوچه ده بير ديوانه
آغليوردي دانيشوردي بو سوزي جانانه

بارالها بو سينيق قلبيده ويرديم سنه ير 

سن كي گلدون چكيلوب قالمادي بير بيگانه

شرف مقدمووه نفسيمي قوربان كسديم 

بلي هر بزميده قوربان كسيلر سلطانه

بيت الاحزاندا تجللا ايلدي جلوه ي نور 

نور حوسنوندن ايشيقلاندي سينيق ويرانه

يدّي دفعه ايلديم شمع وصالونده طواف 

نجه كي باشينه شمعون دولانار پروانه

سنكي گلدون منه ير قالمادي ويرانمده 

چيخديم ايودن او ايوي بذل ايلديم مهمانه

سنون عشقوندي ساليب چوللره آواره مني 

نه ايويم واردي بو عالمده نه بير كاشانه

ايندي سلطان بقايم بو فنا مولكونده 

غبطه ايلله بو ديوانيه مين فرزانه.




بؤلوم : شعر
۱۶ آذر ۱۳۹۰

آختارما مني.. 

بولودلار سس چكيب آغلاشاندا گل

وردغين يارالار ساغلاشاندا گل

بو سويوخ محبت داغلاشاندا گل 

گورسن كي من يوخام آختارما مني

بو غريب شهرده بوجاغلارا باخ

شعير دفتريمده وراغلارا باخ

اويمده تك به تك اوتاغلارا باخ

گورسن كي من يوخام آختارما مني



چكنده شكليمي گوزونده ياش چك

اونون يانيندا بير اوره يي داش چك

سنيله گزديغيم يرلره باش چك 

گورسن كي من يوخام آختارما مني



اولجه ياديندا هاردا دانشد يخ؟

بير ذره كوزونن يانديخ آلشد يخ؟

گت همن يره كي اوردا تانشد يخ

گورسن كي من يوخام آختارما مني


آرزيلار آرازين اوچوب باشينا

اولوم بيردن بيره چخدي قارشينا

يازيبلار بو سوزي قيبر داشينا

گورسن كي من يوخام آختارما مني 




بؤلوم : شعر
۱۶ آذر ۱۳۹۰
ائل دردي

يئنه مكتب يوللاري آچيليب يئنه كيف كيتاب، دفتر، قلم لر آلينيب. منيم باجيم بيرينجي صينيفه گئدير. ايلك مكتب گونودور. چوخ سئوينجك دير. مكتب پالتارلاريني گئييب كيف گوتوروب، منيم اليمدن ياپيشيب يولا دوشوروك.

يولدا آتيلا آتيلا، اويناخلاياركن گويرچين كيمي اوچوب سئوينج دن گوزلري ايشيلداييردي. اليني اليمه توتوب دئديم:  اولدوز، اوخولدا معليمه نين سوزوندن چيخما،هئچ كيمله سؤزلشمه، اوشاقلارلا اؤيناياندا اوجالاردان آتيلما... اؤ يئنه اؤيناخلاييردي. هئچ اينانميرام مني دويماغيني، آما تئز تئز دئييردي ياخجي قاداش جان ياخجي، ياخجي و بارماخلاريمي الينده سئخئردي. من سئوينركن كدرلنيرديم. اؤ آخي چؤخ كيچيك دير، قلبينه ده ين اؤلماسين آلله . بوگون ايلك گوندور قلبينه ديسن داها بو عشقيله مكتبه گئتمز.

مكتب گؤزه گؤرسنير. آتديم لاري بير آز ياواشلانير،اؤ گولومسييه ن اوزونو منه دوتوب دئيير قاداش بورا مكتبيميزدير؟

اوغوردونو قئيرتيب دئييره م يؤخ بورا كوچه دير! بيرده ن دورور، منه باخير و اؤ گؤزه ل گولومسه ين ياشيل گؤزلريني گؤزلريمه تيكيب دئيير آآآآ.. قادااااش.. بورا يؤخكييي،اؤرا!

من گولوره م اؤدا گولور.

مكتبين قاپيسي آچيقدير، گول چيچك له بزه نيب. ايچري بالاجا اوشاقلارلا دولودور. بير اوشاق شئيخميلا بيزه دييب كوچه يه قاچئير آناسي داليجا قئيشقئيرير آيئتيم دور نه! هارا قاچيرسان آنان اؤلسون!

اولدوز گولور و دئيير قاداش بو هارا قاشدي؟؟ دئييره م: بيلميره م، پيس قئزدي دا! آدام مكتب ده ن قاچماز!

اييليب ديزه چؤكوب آنليني اؤپوره م اؤدا همئشه كي كيمي چنه مي اؤپور، دئيير قاداش اؤردا نه يازيب؟

بارماغيلا دووارا وورولان اعلاني گؤسترير، اؤخويورام: ورود نوگلان عزيز را به صاحت مقدس دبستان گرامي ميداريم.

اوزونه باخيرام، هويوخوب. دئيير قاداش يا نمنه؟؟! دئييره م ياني كي اؤخولا خؤش گليبسن!

اؤ گولور من آه چكيره م. دئيير قاداش خودافيظ،؛ دئييره م من گلمه ييم؟ دئيير يؤخ اوردا هامي قئيزدي گلسن اوتانارلار!

گولوره م. اوغوردونو قئيرتيب آنليني اؤپوب دئييره م: ياخشي دا بيليره م سن خانيم اؤلوبسان ، من گلميره م آما بوردان باخيرام گئت دور صفه. باغريما باسيب بيرده اؤپوره م، بيلميره م نييه اوره گيم ايسته مير اونو بيراخيم...

او گئديب صفه گيرير.

آخشام دير،اولدوزون گتيرمه گينه گئديره م. زنگ لري چالينير، اوشاقلار كوچه يه تؤكولور> منيم گؤزلريم اولدوزو آختارير.

ياواش ياواش كيفيني يئرده سورويه سورويه اوشاقلارين ايچينده ن منه ساري گلير. قاباغا يئريييره م قيزارميش اوغوردلاري؛سوزگون باخيشلاري اوره گيمه سيركه لمه سالير؛ باغريما باسيرام؛ كيفيني آليرام. دئيير: قاداش.. واؤكوتمه يله آغلايير منيمده گؤزلريم دؤلوب دئييره م اولدوز نه باش وئريب؟قاداني آليم گل قاداشا گؤروم. قوجاغيما آليب آياغا دورورام، يؤلا دوشوروك. او هله آغلايير؛ منيم اوره گيم دؤزمور دئييره م: اولدوز گوزليم آغلاسان قاداش دا آغلارها، آغلاما داي بس ائله!

قؤللاريني بؤينوما ساريب دئيير : من بيرده اورا گئتمه يه جم!

دئييره م هارا؟ اوخولو دئييرسن؟ نييه آخي؟

گؤز ياشلاري كؤينه گيمده ن كئچيب چيگنيمي ايسلادير.آياخ ساخلاييرام؛اولدوزو يئره قؤيوب آرخاسيندا ديزه چوكوب، گؤزلريني سيليره م. دئيير: من بو كيتابلاري اوخوماياجام! من اونلار دانيشان ديلي باجارميرام! سئوميره م! معليمه نه دانيشدي هئچ نه بيلمه ديم،آنجاق آديمي اؤخوياندا بيلديم! قاداش من داريخيرام مني آپارآيري اؤخولا!

هيرسلييه م ، چؤخ هيرسلي؛ همده كدرلي؛ دئييره م:گؤزه ل باجي آخي سن گره ك اؤيرنه سن دا،سن فارس جا كيتاب اؤخوماليسان، فارسي اؤيرنملي سن، من اؤزوم سنه اؤيرده جم؛ جان باجيم آغلاما.

اؤ گؤز ياشيني آخيرديب تيتره ين سسيني اينجه بؤغازيندان چيخارير:قاداش.. تورك مكتبي يؤخدور؟؟؟

من آه چكيب اولدوزو باغريما باسيب آياغا دورورام. يؤلا دوشوروك؛ بير اوشاق داليميزجا قئيشقئرير: كيف قالدي، كيفينيز قالدي!

اولدوز اوزونو اوزومه داياييب قولاغيمين ديبينده دئيير: قؤي قالسين ،ايسته ميره م!

اؤغوردونو اؤپوب دئييره م: هه، ايستميريك، قؤي قالسين!

 




بؤلوم : شعر
آنا يوردوم سني مندن آلان مني سندن آلان اولا بولرمي؟

فخر ائدرم من بو سؤزه:
جانيم - قانيمدير تبريزيم
سؤيله يرم من هر زامان 
چوخ ياشا شانلي تبريزيم!

جان ديله سن جان وئررم
ماليم - واريمدان گئچرم
سنين اوچون من اؤلرم
چوخ ياشا شانلي تبريزيم!

گونش كيمي نور ساچيرسان
تاريخه بير يول آچيرسان
ديليم ، سؤزوم ، ايمانيمسان
چوخ ياشا شانلي تبريزيم!

آدين دوشوبدور ديللره
ايلهام وئريب شاعيرلره
ايز قويوبسان تاريخلره
چوخ ياشا شانلي تبريزيم!

قوربان اولوم او سؤزلره
( ياشا تبريز ) دئينلره
جاندان گئچن عسگرلره
چوخ ياشا شانلي تبريزيم!

سن قهرمانلار يوردوسان
ظلمه ووروش اوردوسوسان
آذربايجان اولدوزوسان
چوخ ياشا شانلي تبريزيم!

چوخ دوغموسان مرد اوغوللار
ستارخانلار ، باقيرخانلار
باغبان كيمي ائل اوغلولار
چوخ ياشا شانلي تبريزيم!

بير قوش اولوب اوچايديم من
آزمانيندا گزيديم من 
هارايلاييب دئيرديم من
چوخ ياشا شانلي تبريزيم!

سن اويانيش بايراقيسان
آنام، آتام، قارداشيمسان
انقلابلار قايناقيسان
چوخ ياشا شانلي تبريزيم!

نسيم لرين سرين - سرين
نه گؤيچكدير گلينلرين
كؤرپه لريندير ائللرين
چوخ ياشا شانلي تبريزيم!

( بابكم) وورغونام سنه
گئچميشينه، تاريخينه
سئويملي او گؤزللره
چوخ ياشا شانلي تبريزيم!
( شعر : بابك قوجا اوغلو)

 




بؤلوم : شعر

بو چرخ فلك ترسينه دؤوران ائدير ايندي

فعله ده اؤزون داخل انسان ائدير ايندي
 

اولماز بو كي، هر امره دخالت ائده فعله
 

دؤولتلي اولان يئرده جسارت ائده فعله
 

آسوده نفس چكمه يه حالت ائده فعله
 

يا اين كي حقوق اوسته عداوت ائده فعله
 

بو چرخ فلك ترسينه دؤوران ائدير ايندي
 

فعله ده اؤزون داخل انسان ائدير ايندي
 

فعله، منه بير سؤيله، نه دن حرمتين اولسون؟
 

آخر نه سبب سؤز دئمه يه قدرتين اولسون؟
 

ال چك، بالا، دؤولتليلره خدمتين اولسون
 

آز– چوخ سنه وئرديكلرينه منتين اولسون
 

بو چرخ فلك ترسينه دؤوران ائدير ايندي
 

فعله ده اؤزون داخل انسان ائدير ايندي
 

دؤولتلي آماندير، اؤزونو سالما بلايه
 

فعله سؤزو حق اولسا دا، باخما او صدايه
 

يول وئرمه نفس چكمه يه هرگز فقرايه
 

اؤز شأنيني پوچ ائيله مه هر بي سر و پايه
 

بو چرخ فلك ترسينه دؤوران ائدير ايندي
 

فعله ده اوزون داخل انسان ائدير ايندي
 

آلدانما، فقيرين اولاماز عقلي، ذكاسي
 

چون يوخدور اونون سن كيمي پاكيزه لباسي

 

يوخ ثروتي، يوخ دؤولتي، يوخ شالي، عباسي
 

وار كهنه چوخاسي، دخي بير تكجه قباسي
 

بو چرخ فلك ترسينه دؤوران ائدير ايندي
 

فعله ده اوزون داخل انسان ائدير ايندي
 

ايسترسن اگر اولماغا آسوده جهاندا
 

تا اولمياسان غملره آلوده جهاندا
 

فعله اوزونه باخما بو بيهوده جهاندا
 

اؤز فكريني چك، اول دخي فرسوده جهاندا

 

بو چرخ فلك ترسينه دؤوران ائدير ايندي
 

فعله ده اوزون داخل انسان ائدير ايندي
 

گؤر ملتي نين درديني، آختارما دواسين
 

ال چكمه يتيمين باشينا، كسمه صداسين
 

زنهار، قويوب دهرده بير خير بناسين
 

ياد ائيلمه، شاد ائيله مه ملت فقراسين
 

بو چرخ فلك ترسينه دؤوران ائدير ايندي
 

فعله ده اوزون داخل انسان ائدير ايندي

 




بؤلوم : شعر


ترپنمه آماندير، بالا، غفلتدن آييلما!

آچما گؤزونو، خواب جهالتدن آييلما!

لاي لاي، بالا، لاي لاي!

يات، قال دالا، لاي لاي!

آلدانما، آييقليقدا فراغت اولا، هيهات!

غفلتده كئچنلر كيمي لذت اولا، هيهات!

بيدار اولانين باشي سلامت اولا، هيهات!

آت باشيني يات، بستر راحتدن آييلما!

لاي لاي، بالا، لاي لاي!

يات، قال دالا، لاي لاي!

آچسان گؤزونو رنج، مشقت گؤره جكسن،

ملتده غم، امتده كدورت گؤره جكسن،

قيلديقجا نظر ملته حيرت گؤره جكسن،

چك باشينا يورغانيني، نكبتدن آييلما!

لاي لاي، بالا، لاي لاي!

يات، قال دالا، لاي لاي!

بير لحظه آييلدينسا، قوتار جانيني، يوخلا،

آت ترياكيني، ميل ائله قليانيني، يوخلا،

اينجينسه ساغين، وئر يئره سول يانيني، يوخلا،

ايللرجه شعار ائتدييين عادتدن آييلما!

لاي لاي، بالا، لاي لاي!

يات، قال دالا، لاي لاي!

گؤز نورودور اويقو، اونو دور ائتمه گؤزوندن،

يول وئرمه مبادا چيخا بير لحظه سؤزوندن،

اما ائله برك يوخلاكي، حتي گئت اؤزوندن،

آفاقي دوتان شور و قيامتدن آييلما!

لاي لاي، بالا، لاي لاي!

يات، قال دالا، لاي لاي!




بؤلوم : شعر

ديلنچي
 

رد اول قاپيدان، آغلاما زار – زار، ديلنچي!
 

واققيلداما بايقوش كيمي، ادبار ديلنچي!
 

بو مجلسيميز مجلس احسان دير اگرچي،
 

دوزدوكلريميز نعمت الوان دير اگرچي،
 

احسان فقرا كسلره شايان دير اگرچي،
 

بير عادت ارثيه دخي وار، ديلنچي!
 

رد اول قاپي دان، آغلاما زار – زار، ديلنچي!
 

دؤولتي لريز، مقصديميز عيش و صفادير،
 

مهمانلاريميز بوسبوتون ارباب غنادير،
 

كؤك دور، يئكه دير، بويني يوغوندور، نجبادير،
 

بَي دير، آغادير، آغزي دعالي علمادير،
 

پيشميشلريميز مين جوره لذتلي غذادير،
 

تيكمه گؤزونو مطبخه، بي عار ديلنچي!
 

رد اول قاپي دان، آغلاما زار – زار، ديلنچي!
 

دخلي بيزه نه بوش دا قاليب دست سؤالين؟!
 

يا اينكه آجيندان مله شير اهلين، عيالين؟!
 

باخ، باخ، نئجه چيركين دير او منحوس جمالين!
 

حاخ – توف اوزونه، صورتي مردار ديلنچي!
 

رد اول قاپي دان، آغلاما زار – زار، ديلنچي!
 

دؤولتلي نچين صرف ائديب اؤز بذل و سخاسين،
 

اعياني قويوب، دويدورا شهرين فقراسين؟
 

تؤكسون گؤروم آللاه اوزونون شرم و حياسين!
 

ال چك ياخاميزدان، ايتيل، ادبار ديلنچي!
 

رد اول قاپي دان، آغلاما زار – زار، ديلنچي!
 

بير دفعه فقير اولدوغونو آنلا دا، زنهار،
 

دؤولتلي لرين بيشميشينه اولما هوسكار،
 

يوخسا يئمه يه بير زادين، اؤل، جانيني قورتار!
 

ائتمه بو قدر بيزلره آزار، ديلنچي!
 

رد اول قاپي دان، آغلاما زار – زار، ديلنچي!
 

فقر اهلي غني لرله ملاقات ائده بيلمز،
 

دؤولتلي يه انسانليغين اثبات ائده بيلمز،
 

دؤولتلي فقير ايله مساوات ائده بيلمز،
 

نقصان گتيره ر شأنينه بوكار، ديلنچي!
 

رد اول قاپي دان، آغلاما زار – زار، ديلنچي!

 




بؤلوم : شعر

بيركؤنول كي اولا بيرگوزلري شهلا دليسي؟

 

شكرلله! كي كؤنول اولدو تجلي دليسي،
گينه يوز قويدو بيابانه بو ليلا دليسي.

غل و قلاده و زنجيره مگر بنداولور،
بير كؤنول كي اولا بير زولف چليپا دليسي.

يا مگرنرگس بستانه سالير طرف نظر،
بيركؤنول كي اولا بيرگوزلري شهلا دليسي؟

عشقين آدابيني فرهاد ايله مجنون نه بيلر،
بيرسي داغ آي سي دير بيري صحرا دليسي.

داغ ايله باغ، گؤزوم! عاشيق اوچون يكسان دير،
هره بير يانه گئدير واحد و يكتا دليسي.

عاغلا گل، واعظ و زاهد سوزونه توتما قولاق،
بيري دونيا دليسي دير، بيرعقبا دليسي.

عاجز آثار ره عشقه قدم باسمادي، حيف!
بوسوزو خبط خيال ائدي او سئودا دليسي. 




بؤلوم : شعر

هارداسان

 

جانيمي يانديردي شوقون اي نگاريم هارداسان
گوزلريم نوري ايكي عالمده ياريم هارداسان
باغريمي قان ايلدي آجي فراقون گل ايرش
اي لبون وصلي شراب خوشگواريم هارداسان
فرقتون دردي مني گور كي نه مجروح ايله دي
اي گوزي نرگس حبيب گولعذاريم هارداسان
صبري يغمالدي شوقون قراريم قالمادي
اي منيم آرام صبريم بي قراريم هارداسان
ايله دي عشقون مني قلخان ملك تيرينه
اي گوزي قاشي بيليك لي شهرياريم هارداسان
تا اوزون شوقوندان ايراغ اولموشام پروانه تك
يانيرام ليل و نهار اي نور و ناريم هارداسان
قاتي موشتاق اولموشام زلف و غذارين بويونا
اي اوزي گلشن ساچي مشك تاتاريم هارداسان
سندن آيري كونلومه يوخدور وفالي يار دوست
اي جفاسيز حسن كامل يار غاريم هارداسان
هجرون اوخي دلدي بو شوقونده يانان باغريمي
صورت و معنيده اي چابك سواريم هارداسان
بادايلن گوندر ساچين بويين منه هر صبحدم
اي كي يانديم گئچدي حددن انتظاريم هارداسان
يار اوچون هر گوشه ده مين ديو اولور دشمن منه
اي سواد اعظم و محكم حصاريم هارداسان
عاشيقين جنات عدني چون جمالون وصليدير
اي شراب كوثريم گئتمز خماريم هارداسان
چون نسيمي دور بوگون ايام عشقين خسروي
اي شكر لب يار شيرين روزگاريم هارداسان




بؤلوم : شعر


( یارپاق لار : ) 1  2  
باغلانتی لار
یارپاق لار
سایغاج
  • ایندی بلاق دا :
  • بوتون گؤروش لر :
  • بو گونون گؤروشو :
  • دونه نین گؤروشو :
  • بو آیین گؤروشو :
  • باخیش لار :
  • یازی لار :
  • یئنیله مه چاغی :