سنسيزيم گوزليم
سنسيزيم گوزليم
آنا یارپاق              ایلگی              ایمیل              RSS              ATOM

در زير اهنگهاي يكي از بهترين خوانندهگان تركيه به اسم باريش اكارسو baris akarsu رو ميتونيد دانلود كنيد

دانلود



براي ديدن ادامه عكس ها ميتونين رو ادامه مطلب كليك كنين

روحت شاد



آرديني اوخو

بؤلوم : موزيك
بس شنيدم داستان بي كسي

 

بس شنيدم قصه ي دلواپسي

قصه ي عشق از زبان هركسي

گفته اند از مي حكايت ها بسي

حال بشنو از من اين افسانه را

داستان اين دل ديوانه را

چشمهتايش بويي از نيرنگ داشت

دل دريغا سينه اي از سنگ داشت

با دلم انگار قسط جنگ داشت

گويي از با من نشستن ننگ داشت

عاشقم من،عاشقم من

بسه هيچ انگار نيست

ليك با عاشق نشستن عار نيست

كار او آتش زدن من سوختن

در دل شب چشم بر در دوختن

من خريدن ناز،او نفروختن

باز آتش در دلم افروختن

سوختن در عشق را از برشديم

آتشي بوديم و خاكستر شديم

از غم اين عشق مردن باك نيست

خون دل هر لحظه خوردن باك نيست

آه ميترسم شبي رسوا شوم

بدتر از رسواييم، تنها شوم

واي از اين سيد و آه از آن كمند

پيش رويم خنده،پشتم پوزخند

برچنين نامهرباني دل مبند

دوستان گفتن،و دل نشنيد پند

خانه اي ويرانتر از ويرانه ام

من حقيقت نيستم،افسانه ام

گرچه سوزد پروري،پروانه ام

فاش ميگويم،كه من ديوانه ام

تا به كي آخر چنين ديوانگي

پيلگي بهتر از اين پروانگي

گفتمش ارام جاني؟گفت نه

گفتمش شيرين زباني؟گفت نه

گفتمش نامهرباني؟گفت نه

ميشود يك شب بماني ؟گفت نه!!!

دل شبي دور از خيالش سر نكرد

گفتمش افسوس او باور نكرد!

خود نميدانم خدايا چيستم

يك نفر با من بگويد كيستم!

بس كشيدم آه از دل بردنش

آه اگر آهم بگيرد دامنش

باتمام بيكسي ها ساختم

واي بر من ساده بودم باختم

دل سپردن دست او ديوانگيست

آه غير ازمن كسي ديوانه نيست

گريه كردن تا سحر كار من است

شاهد من،چشم بيمار من است

فكرمي كردم كه او يارمن است

نه،فقط در فكر آزارمن است

نيتش از عشق تنها خواهش است

دوستت دارم دروغي فاحش است

يك شب آمد زيرورويم كردو رفت

بغض تلخي در گلويم كردو رفت

مذهب او هرچه باداباد بود

خوش بحالش كه اينقدر آزاد بود

بي نياز از مستي مي شاد بود

چشمهايش مست مادر زاد بود

يك شبه از عمر سيرم كردو رفت

من جوان بودم،پيرم كرد و رفت..............




بؤلوم : شعر
۱۷ آذر ۱۳۹۰
Kanal Bilgileri
Kanal Adı TÜRKSAT TANITIM
Frekans 11844 V (Dikey)
SR 2222
FEC 3/4
İçerik Tanıtım, Otomatik Tarama ve Teletext


آرديني اوخو

بؤلوم : فركانس تي وي
۱۶ آذر ۱۳۹۰

دؤلانوردي گئجه لر كوچه ده بير ديوانه
آغليوردي دانيشوردي بو سوزي جانانه

بارالها بو سينيق قلبيده ويرديم سنه ير 

سن كي گلدون چكيلوب قالمادي بير بيگانه

شرف مقدمووه نفسيمي قوربان كسديم 

بلي هر بزميده قوربان كسيلر سلطانه

بيت الاحزاندا تجللا ايلدي جلوه ي نور 

نور حوسنوندن ايشيقلاندي سينيق ويرانه

يدّي دفعه ايلديم شمع وصالونده طواف 

نجه كي باشينه شمعون دولانار پروانه

سنكي گلدون منه ير قالمادي ويرانمده 

چيخديم ايودن او ايوي بذل ايلديم مهمانه

سنون عشقوندي ساليب چوللره آواره مني 

نه ايويم واردي بو عالمده نه بير كاشانه

ايندي سلطان بقايم بو فنا مولكونده 

غبطه ايلله بو ديوانيه مين فرزانه.




بؤلوم : شعر
۱۶ آذر ۱۳۹۰

آختارما مني.. 

بولودلار سس چكيب آغلاشاندا گل

وردغين يارالار ساغلاشاندا گل

بو سويوخ محبت داغلاشاندا گل 

گورسن كي من يوخام آختارما مني

بو غريب شهرده بوجاغلارا باخ

شعير دفتريمده وراغلارا باخ

اويمده تك به تك اوتاغلارا باخ

گورسن كي من يوخام آختارما مني



چكنده شكليمي گوزونده ياش چك

اونون يانيندا بير اوره يي داش چك

سنيله گزديغيم يرلره باش چك 

گورسن كي من يوخام آختارما مني



اولجه ياديندا هاردا دانشد يخ؟

بير ذره كوزونن يانديخ آلشد يخ؟

گت همن يره كي اوردا تانشد يخ

گورسن كي من يوخام آختارما مني


آرزيلار آرازين اوچوب باشينا

اولوم بيردن بيره چخدي قارشينا

يازيبلار بو سوزي قيبر داشينا

گورسن كي من يوخام آختارما مني 




بؤلوم : شعر
۱۶ آذر ۱۳۹۰

محسن دشتي :يكي بود يكي نبود

دانلود





بؤلوم : موزيك
۱۱ آذر ۱۳۹۰

 

21 فوريه، دنيا آنا ديلي گونو مناسيبتي ايله

بين الخلق آنا ديلي حاقلاري نا قيسسا بير باخيش

ياخشي اولور كي بين الخلق آنا ديلي حاقلارينا، قيسسا دا اولموش اولسا بير گؤز آتاق و اؤرنك اولاراق بعضي ماده لري گؤزوموزدن گئچيرك و قرار آلينميش بين الخلق آنا ديل حاقلاري ايله ايرانداكي شرايطه به نظر سالخاق؛

 بين الخلق آنا ديلي حاقلارينين 10جو ماده سي نين بيرينجي بندينده قيد اولور كي؛

"تامام ديل توپلوم لاري برابر حاققا ماليك ديرلر"

15 جي ماده ده بئله قيد اولونور كي؛

"ديل توپلوملارينين هاميسي اؤز يئرلرينده (آتا بابا ديلين) رسمي بير ديل كيمي ايستفاده ائله مه حاقينا ماليك ديرلر."
24نجو ماده ده بئله يازيلير؛      

"تامام ديل توپلوملاري اؤز ديللرينين توپلومدا گئنيش حضورو اوچون، او جمله دن، تحصيل ديلي كيمي، علاقه لر، ارتباط لار ديل كيمي تمام سويه لرده (مكتب و مدرسه لرده، فني مركزلرده و يونيورسيته لرده و حتي ياشليلارين تحصيل آلماسيندا) قرار وئرمه حاققينا ماليك ديرلر."
 

29جو ماده نين، بيرنجي بند ينده قيد اولور كي؛

"هر كس، ياشاديغي وطنين ده، اؤز  آنا ديلينده مكتبه گئديب تحصيل آلما حاقينا ماليك دير"

30جظو ماده ده بئله قيد اولور كي؛

"تامام ديللر، توپلوم لارينين، ديل و مدنيتي، علم و آراشديرما مركزلرينده بير موضوع كيمي مطالعه اولونوب، آراشديريلماليديرلار."

32جي ماده نين 2نجي بندينده بئله قيد اولونور؛

"هر بير ديل توپلومو، يئرلي و تاريخي آدلاري اولدوغو كيمي ثبت ائديب، قوروما حاقينا ماليك ديرلر..."

33جو ماده ده بئله قيد اولونور؛
"هر بير ديل توپلوموندا، اونلارين اؤز ديللرينده ايستفاده اولونان آد حاقينا مالكيديرلر." 

حال بو كي، ايراندا، بير ديل دن، فارس ديليندن، سونرا باشقا ديلر، و او جمله دن تورك ديلي هئچ بير حاققا ماليك دئيل. تورك ديلي نه رسميته تانينب، نه اونون انكشافينا ديل و مدني عرصه لرده بير ايش گؤرولور. نه اوشاق آنا ديلينده تحصيل آلير. نه ده تورك ديلي بير آراشديرما موضوعسو كيمي آراشديريلير. بو سيختني لارا باخميياراق، تورك ديلي ايران دا بيگانه و حتي جراتله دئمك اولار كي تورك ديلي، حاكيم آپارتايدين طرفيندن، دشمن ديل كيمي تقديم اولونور. ايران دا، تورك ديلينده 30 ميليون اينسان دانيشيرسادا، او ديلده حتي بير مكتب و مدرسه يوخدور. آذربايجانين ئئرلي آدلاري، دئيشيب فارسلاشديريرلار، او جمله دن باخين، آخما قاياني، فارس جا "احمقييه" آدلانديريبلار. دئمك اورا آنلامازلارين محله سي دير!! اورميه ني  (رضائيه)، قوشاچايي (مياندوآب) و ساوجا بولاغي (مهاباد) آدلانديريرلار...! بئله ليكله بين الخلق آنا ديل حاقلاري هر گون و هر ساعات ايران دا آياق آلتينا قويولور و آذربايجان خالقي داواملي و گوندليك اريتيلمه سياستي نه معروض قالير.

داريوش عاشوري تانينميش بير فارس يازيچي و آراشديريجي سي، ايران دا آنا ديلينده تحصيل آلينماماسي حاقدا دئير كي؛ "غيرفارس لارين آنا ديلينده تحصيل آلماسي ايراندا، قانونون اولماسيندان يوخ، بلكه بئله بير ايستين باشقا مليت لر آراسيندا اولماماسيندان قايناقلانير. آنا ديلينده تحصيل آلما حاقي يالنيز غيرفارس ميليتلرين بعضي آكتيولرستلرينين مسئله سي دير".  داريوش عاشوري دئير كي؛ "بو ايستك كوتله نين آراسيندا يايلماييب و حتي كوتله لر بئله بير ايستكي نه لازيم گؤرولر و نه ضروري!" بو دا بير فارس آراشديريجي سينين سالخاق فيكري دير.

بنگلادش، ايران و اوخشارلار

بيلديگينيزكيمي، بوگونكو آذربايجانين ملي دمكراتيك حركاتينا نئچه يؤوندن باخماق اولار، تاريخي يؤندن آذربايجانين يئنيلمه سي، سياسي يؤندن آذربايجانين ضعيف دورومو، اينساني يؤندن آذربايجانليلارين تحقييره معروض قالمالاري، مدنيت يؤنوندن آذربايجانلي نين مدنيتين محونه چاليشمالار و آذربايجانلي نين آنا ديل مسئله سينه گلديكده، اونون ديلي قاداغان اولموش، بيگانه سايلميش، يالقيزقالميش و تورك ديلي ظولمت چؤلونده مظلوم بوراخيلميشدير.  

من بيرآز بنگلادش ده آنا ديلي حاقيندا گئدن حركاتا باخمشام و او حركاتين آذربايجان خالقينين آنا ديللي حاققيندا مبارزه سينده چوخ ياخين اوخشارلارا و ياخينليقلارراس گلميشم.

پاكستان دولتي نين 1947نجي ايلده تشكيلندن سونرا، پاكستانين بيرليگي يالنيز مسلمانچيليق اساسيندا قورولدي و بوچوخ نفوسلو اؤلكه ايكي بويوك ايالت دن، يعني غرب ايالتيندن كي اردو ديلي چوخلوقدادير و شرقي ايالت دن كي بنگال ديلي چوخلوقدا ايدي، تشكيل اولوندو. بيلمه ليك كي اردو ديلي نده دانيشانلارين سايي بنگال ديلنده دانيشانلاردان عموميتله آز ايدي. بو وضعيته باخمياراق، ايسلام ديني باشدا، اردو ديلي دولت طرفيندن پاكستانين تكجه رسمي ديلي اعلان اولوندو. شرقي ايالت ده بنگال ديللي لر پاكستان دولتينين بو حركتيه جيدي عكس العمل گؤسترديلر. اويرنجي حركاتي بو مبارزه نين قاباغيندا گئديردي. بنگال آيدينلاري بيليرديلر كي بو سياست بنگالين نئچه مين ايلليك تاريخين، مدنيتين و ديلين محو ائتمك آماجي ايله قويولوبدور. بنگاللارين پروتست حركاتي پاكستان دوليتن سكوتون سينديرب، بنگال لارين پروتست لريني سينديرماق ايستدي. بو چاتيشمالارين نتيجه سينده بير نئجه بنگالي اؤلدورولدي و فوريه نين 21ي بنگاللي لار طرفيندن آنا ديللي شهيد گونو آدلاندي. و بو حركاتين سونوجو بنگلادشي پارلمان سئچيملرينده استقلال ايستيين پارتيالارا ساري آپاردي. و آنا ديللي حاقيندا گئدن گئنش مبارزه بنگلادش ين استقلال ايله 1971ده سونا چاتدي.

پاكستانين ايستقلالي دان 1947ده، و سونرا بنگالارين آنا ديلي حاقيندا مباريزه سيندن و سونرا بنگلادشين استقلالينا دك 1971جي ايلده، 24 ايل زمان سوردو.

ايرانين گئچن هشتاد ايلده كي حاديثه لري، بنگلادش ده گئدن حركاتي ايله چوخلو اوخشارلار وار؛

ايران دا، مشروطه اينقلابي او اؤلكه يه عدالت خانا و آزادليق گتيرمك ايستيردي. اما رضا پهلوي نين كودوتاسي 1299 دا و تورك ديلينين دانيلماسي ايران دا، 1321 نجي ايلده، يعني 25 ايلدن سونرا آذربايجانين ملي حكومتين، پيشه وري باشليغي آلتيندا ياراتماسينا سبب اولدو. ملي حكومت استقلاليت ايستميردي، چون كي هم مشروطيت ين اساس لاري و هم ده گئچن مين ايلده ايران دا اولان تورك حاكميتلري استقلاليت فيكرين كؤلگه يه آپاريردي.  

پاكستان لا قياس دا، فارس ديلي ايراندا هئچ زامان چوخونلوق ديلي آلماييب. و اونون يانيندا تورك ديلي، البته كه چوخونلوقدا اولماسادا، اما تورك ديلنده دانيشانلارين سايي فارس ديلينده قات قات چوخ اولموشدور. آذربايجان خالقي 1321جي ايلده، اؤز حاكميتين ياراتماسي ايله، اؤز حاقينا كه آنا ديلينين رسمي اولماسي ايدي يئتيشدي. بو حركت بين الخلق شرايطين قربانليغي اولدو و سونرا دا چوخلي دليل لره گؤره يئنيلدي.

 آذربايجان خالقي اؤز مباريزه سينه آنا ديلي حاقيندا، درين تجربه لر و آغير شرايط  اساسيندا دوام ائدي. شرايط تمامي ايله دئيشميش دير. پهلوي لر، گئنيش بير اينقلاب دان سونرا، يئرلرين اسلام جمهوريتينه وئريب. دين اساسيندا قورولان اما مسئله سي يالنيز دين يوخ، بلكه دين و ديل اوستونلوگو اولان بير حاكميت قورولوب. گئنه ده فارس ديلي تكجه رسمي ديل دير. ايندي البته كي فارس حاكميتي فارس ديلينه اوزون زامان حاكميتيندن سونرا بير اؤزل استاتوس قازانديرب. تورك ديلي و اونو اؤزلرينه آنا ديلي بيلن لر اورك ياراسي ايله ياشايرلار. 1357نجي (1979) ايلين سونوندا، اسلام جمهوريتي يارانير، 1358 نجي ايلده خلق مسلمان حزبي توركلوك و يا تورك ديلينه داياناراق يوخ، بلكه توركلري بير آرايا توپلاماق اوچون ميدانا گلير. امما قيسسا زامان دا يئنيلير.  12 ايل اسلام جمهوروسونون قارانليق حياتيندان گئچندن سونرا، آذربايجان جمهوريتي 1991نجي ايلده سوئيت بيرليگيندن اؤز ايستقلاليتين آلدي. بو حاديثه گونئي ده، آذربايجانلي جوان و اويرنجي لرينين اورگينه، بير ايشيق ساچدي. آنا ديلي حاقي گئنه ده آذربايجان اوغول و قيزينين اورگين تيترتدي. چون كو بو اورك دولو قاندي.

آنا ديلي، آذربايجان خالقينا، مبارزه نين ايچ اوزه يي اولاراق، او خالقين ملي دمكراتيك حركاتينا تازا بير حيات و استراتژي سينه تازا بير نفس وئرير. او باشلانقيجدان اينده قدر 17 ايل كئچير. آذربايجانين ملي دمكراتيك حركاتي بو 17 ايلده، آنا ديليني اساس گوتورره ر ك، بابك قالاسينين قورولتايين ياراديب، آذربايجان دامغاسين ايچري ده و خارجده بين الخلق عمومي افكارا ووروبدور. بابك قالاسينين حركاتي يالنيز بير باشلانقيج ايدي. چون كي او حركتين نتيجه سينده ايدي كي، 1385 ايلين خرداد آيندا ملي قيام ، ايران درگي سينيده يايلان كاريكاتورا گؤره ميدانا چيخدي. و تبريز، اروميه، اردبيل، زنجان، مرند، مراغا و آذربايجانين تامام شهر و كندلري بيربيرينه باغلاندي و اوجا سس ايله باغيردي، "تورك ديلينده مدرسه، اولمالي دير هركسه".

آذربايجانين استراتژي مسئله لري و دنيا آنا ديلي گونو

ايندي ايسه، آذربايجانين ملي دمكراتيك حركاتينين دنيا آنا ديلي گونو ايله علاقه لرين، رابيطه لرين، گؤزدن گئچيريب، بعضي نتيجه لري آلاندان سونرا، سؤزومو سونا چاتديريرام.

بوگون آذربايجانين ملي دمكراتيك حركاتي نين اساس پروبلمي، بو حركتين اؤز ميلتيميزين آراسيندا يايلماسي ، و باشقا ميلتلر و دولت لره بو حركاتين اساس سؤزون يئترمك دير. آذربايجانين ملي دمكراتيك فيكري ميلتيميزين ايچينده يايلماسي و يا او حركتين سؤزون باشقا ميلتلره و باشقا دولت لره چاتديرماغا شرايط ايله موناسيب و بوگونكو مدني ديل ايله ايقون اولمالي دير. يعني تبليغي مئتودلار، بعضا حتي سؤزون اؤزوندن ده اهميتلي دير. آذربايجانين ملي دمكراتيك حركاتي نين تبليغي و يايما متدولاري، حسيات دان، هيجان دان، سرتليك دن، خشونت دن و حتي ايدآليسم دن اوزاخ گزملي دير و بو شيوه لرين قاباغيندا عقلانيته، ساكين هامونيه، صلح سئور و سيويل يوللارا و رئاليستي مئتودلارا داياناراق اؤزونه تبليغي بير استراتژي سئچملي دير.

بوگون آذربايجانين ملي دمكراتيك حركاتيندا ايكي تبليغي متد ايشلنير؛

بيرنجي سي؛ ميلتچيلييه اساس لاناراق، آذربايجانين ملي دمكراتيك حركاتي ني تبليغ اتمك

ايكينجي سي؛ اينسان حاقلارينا واؤزليك له "دنيا آنا ديلي حاقلارينا" اساسلاناراق حركاتي تبليغ ائتمك دير.

ديقتينيز چكيرم كي، من بورادا يالنيز تبليغي و يايين مئتودلار حاقيندا دانيشيريق، نه باشقا موضودا.

ايندي ايسه، اؤرنك اولاراق، بير سوآلي جواب لادندمالييق. اودا بو كي؛

حقيقتاً تورك ميلتينين و آذربايجان خالقينين ايراندا بوگون اساس سؤزو نه دير؟

بو سوآلا يوخاري داكي ايكي مئتود اساسيندا ايكي جواب ورمك اولار؛

بيرينجي جواب بيرنجي مئتود اساسيندا، بودور كي؛ آذربايجانين اساس سوزو، آذربايجانين سياسي حاققا ماليك اولماسي و اؤز مقدراتين اؤز الي ايله تعيين ائدمسي دير.

ايكينجي جواب همن سوآلا، ايكنيجي مئتود اساسيندا بودور كي؛ آذربايجان خالقي تورك  ديلينين رسمي اولماسي و آنا ديلينده تحصيل آلما حاقينا ماليك اولماسي دير؟

البته كي بو هر ايكي جواب، يالنيش جواب دئيل دير. چون كي هم آذربايجان اؤز مقدراتيني تعيين ائمك حاقينا و هم ده آنا ديلينده تحصيل آلما حاقينا ماليك اولمالي دير. و بو ايكي جاواب بير بيرينين قارشي سيندا دورمور. اما هر بير سوآلي جاوالانديرماق معين زامان دا، معين يئرده، معين آدامين اوستونده فرقلي اثرلر قويار. بو اثرين (ائتگي نين) نتيجه سي، بعضا مثبت و بعضا ده چوخ منفي اولابيلر. من اثرلي مئتود نه دير دئيه سؤزموزو دوام ائدمك ايسترم.

 سوآل بودور كي؛ عجبا اگر بيزه همان بيرنجي سوآلي، يعني آذربايجانين اساس سؤزو نه دير، وئرسه لر هانكي جاوابي او سوآلين قاباغيندا وئرملييك؟ بيرنجي جوابي؟ و يا ايكينجي جاوابي؟ بعضي لرينه بلكه بو سوآلا جواب وئرمه چوخ ساده و راحت نظره گلسين. آمما منجه او اساس سوآلا جاواب وئرمه دن قاباخ بير باشقا مسئله يه ده دوشونملي يك. و اودا بودور كي، سوآلي وئرن كيم دير؟! او بو دمكدير كي، سوآلي وئرن، بير جور، جاواب نئجه ليگين تعيين ائدير. بير آذربايجانلي بو سورونو سورسا، نئجه جوابلانديرمالييق، بير غير تورك بوسورونو سورسا هانكي جاوابي اونا وئرملييك!

منجه آذربايجانلي لاري و ايران دا ياشايان توركلرين هاميسين بير ترازييا قويماق اولماز. ميلتچي بير آذربايجانلي ايله، آسيميله اولونموش بير آذربايجانلي يا بير مئتودلا آذربايجان مسئله سين تبليغ ائله مك اولماز. چون بير آذربايجانچي آذربايجانلي، ميلتچي تبليغي شيوه ايله تانيش و اونا ميلتچيليك چرچوالادا تبليغ ائتمك ايقون و مناسيبدير. آما بير آسيميله و يا ياريمچيليق آسيميله اولونموش آذربايجانلييا، نه يالنيز مليتچيليك مئتود ايله و نه ده يالنيز آنا ديلي حاقلاري مئتودو ايله اثز قويماق اولماز. بو شرايط ده، آذربايجان مسئله سي ايله تانيش آولمايان آذربايجانلي لار، تركيبي بير مئتودلا تبليغ ائتمك لازيمدير. يعني هم ميلت چيليك و هم ده اينسان حاقلاري و علي الخصوص بين الخلق آنا ديلي حاقلاري چرچواسيندا تبليغ ائتمك لازيمدير. تاسفله بير چوخلو آذربايجان آكتيويستي، بوگون، نيفرت، هيجان و شدت اساسيندا اولان تبليغ شيوه لردن ايستفاده ائديرلر. گينه ده تاسفلر اولسون كي بئلنچي شيوه لره دايانماق هر زامان آذربايجان خالقينا ضررلي شيوه لر اولموشلار.

آما غير تورك ميلتلره گلديكده، ايراندا كي غيرفارس مليتلرين اكتويستلري ايله، ياخين  ديل و آماج لاريميز اوچون ميلتچيليك اساسيندا دانيشمالييق. اما فارس ميلتي ايله، او ميلتين فارس آپارتايد سيستمي نين تاثير آلتيندا اولماق اوچون، اينسان حاقلاري، و اؤزليكله آنا ديلي حاقلارين تبليغ (يايين) مئتودوموزدا اساس گؤتورملييك.

منيم فيكيرم جه، بوگونكو شرايطه گؤره و اينسان حاقلاري نين گئنيش آغيرليغي اوچون، ايران دان خارج ده، تبليغي مئتودلاراينسان حاقلاري و اؤزليكله "بين الخلق آنا ديل حاقلار" اساسيندا اولمالي دير.

"بين الخلق آنا ديلي گونو"، و "بين الخلق آنا ديل حاقلاري" آذربايجانين ملي دمكراتيك حركاتينا تازه و گئنيش بير گوج و اولدوغو كيمي اينساني بير سيما وئرير. تورك ديلي ، حقيقتاً، آذربايجانين ملي دمكراتيك حركاتنين ايچ اوزه يي دير. بو باخيمدان بين الخلق آنا ديلي گونو هر بير ايراندا ياشايات توركه، اورك سؤزون هايقريرماقدير... بوگون آذربايجان هارايي هر كسه بللي دير؛ تورك ديلي رسمي اولسون....!




بؤلوم : سياسي
ائل دردي

يئنه مكتب يوللاري آچيليب يئنه كيف كيتاب، دفتر، قلم لر آلينيب. منيم باجيم بيرينجي صينيفه گئدير. ايلك مكتب گونودور. چوخ سئوينجك دير. مكتب پالتارلاريني گئييب كيف گوتوروب، منيم اليمدن ياپيشيب يولا دوشوروك.

يولدا آتيلا آتيلا، اويناخلاياركن گويرچين كيمي اوچوب سئوينج دن گوزلري ايشيلداييردي. اليني اليمه توتوب دئديم:  اولدوز، اوخولدا معليمه نين سوزوندن چيخما،هئچ كيمله سؤزلشمه، اوشاقلارلا اؤيناياندا اوجالاردان آتيلما... اؤ يئنه اؤيناخلاييردي. هئچ اينانميرام مني دويماغيني، آما تئز تئز دئييردي ياخجي قاداش جان ياخجي، ياخجي و بارماخلاريمي الينده سئخئردي. من سئوينركن كدرلنيرديم. اؤ آخي چؤخ كيچيك دير، قلبينه ده ين اؤلماسين آلله . بوگون ايلك گوندور قلبينه ديسن داها بو عشقيله مكتبه گئتمز.

مكتب گؤزه گؤرسنير. آتديم لاري بير آز ياواشلانير،اؤ گولومسييه ن اوزونو منه دوتوب دئيير قاداش بورا مكتبيميزدير؟

اوغوردونو قئيرتيب دئييره م يؤخ بورا كوچه دير! بيرده ن دورور، منه باخير و اؤ گؤزه ل گولومسه ين ياشيل گؤزلريني گؤزلريمه تيكيب دئيير آآآآ.. قادااااش.. بورا يؤخكييي،اؤرا!

من گولوره م اؤدا گولور.

مكتبين قاپيسي آچيقدير، گول چيچك له بزه نيب. ايچري بالاجا اوشاقلارلا دولودور. بير اوشاق شئيخميلا بيزه دييب كوچه يه قاچئير آناسي داليجا قئيشقئيرير آيئتيم دور نه! هارا قاچيرسان آنان اؤلسون!

اولدوز گولور و دئيير قاداش بو هارا قاشدي؟؟ دئييره م: بيلميره م، پيس قئزدي دا! آدام مكتب ده ن قاچماز!

اييليب ديزه چؤكوب آنليني اؤپوره م اؤدا همئشه كي كيمي چنه مي اؤپور، دئيير قاداش اؤردا نه يازيب؟

بارماغيلا دووارا وورولان اعلاني گؤسترير، اؤخويورام: ورود نوگلان عزيز را به صاحت مقدس دبستان گرامي ميداريم.

اوزونه باخيرام، هويوخوب. دئيير قاداش يا نمنه؟؟! دئييره م ياني كي اؤخولا خؤش گليبسن!

اؤ گولور من آه چكيره م. دئيير قاداش خودافيظ،؛ دئييره م من گلمه ييم؟ دئيير يؤخ اوردا هامي قئيزدي گلسن اوتانارلار!

گولوره م. اوغوردونو قئيرتيب آنليني اؤپوب دئييره م: ياخشي دا بيليره م سن خانيم اؤلوبسان ، من گلميره م آما بوردان باخيرام گئت دور صفه. باغريما باسيب بيرده اؤپوره م، بيلميره م نييه اوره گيم ايسته مير اونو بيراخيم...

او گئديب صفه گيرير.

آخشام دير،اولدوزون گتيرمه گينه گئديره م. زنگ لري چالينير، اوشاقلار كوچه يه تؤكولور> منيم گؤزلريم اولدوزو آختارير.

ياواش ياواش كيفيني يئرده سورويه سورويه اوشاقلارين ايچينده ن منه ساري گلير. قاباغا يئريييره م قيزارميش اوغوردلاري؛سوزگون باخيشلاري اوره گيمه سيركه لمه سالير؛ باغريما باسيرام؛ كيفيني آليرام. دئيير: قاداش.. واؤكوتمه يله آغلايير منيمده گؤزلريم دؤلوب دئييره م اولدوز نه باش وئريب؟قاداني آليم گل قاداشا گؤروم. قوجاغيما آليب آياغا دورورام، يؤلا دوشوروك. او هله آغلايير؛ منيم اوره گيم دؤزمور دئييره م: اولدوز گوزليم آغلاسان قاداش دا آغلارها، آغلاما داي بس ائله!

قؤللاريني بؤينوما ساريب دئيير : من بيرده اورا گئتمه يه جم!

دئييره م هارا؟ اوخولو دئييرسن؟ نييه آخي؟

گؤز ياشلاري كؤينه گيمده ن كئچيب چيگنيمي ايسلادير.آياخ ساخلاييرام؛اولدوزو يئره قؤيوب آرخاسيندا ديزه چوكوب، گؤزلريني سيليره م. دئيير: من بو كيتابلاري اوخوماياجام! من اونلار دانيشان ديلي باجارميرام! سئوميره م! معليمه نه دانيشدي هئچ نه بيلمه ديم،آنجاق آديمي اؤخوياندا بيلديم! قاداش من داريخيرام مني آپارآيري اؤخولا!

هيرسلييه م ، چؤخ هيرسلي؛ همده كدرلي؛ دئييره م:گؤزه ل باجي آخي سن گره ك اؤيرنه سن دا،سن فارس جا كيتاب اؤخوماليسان، فارسي اؤيرنملي سن، من اؤزوم سنه اؤيرده جم؛ جان باجيم آغلاما.

اؤ گؤز ياشيني آخيرديب تيتره ين سسيني اينجه بؤغازيندان چيخارير:قاداش.. تورك مكتبي يؤخدور؟؟؟

من آه چكيب اولدوزو باغريما باسيب آياغا دورورام. يؤلا دوشوروك؛ بير اوشاق داليميزجا قئيشقئرير: كيف قالدي، كيفينيز قالدي!

اولدوز اوزونو اوزومه داياييب قولاغيمين ديبينده دئيير: قؤي قالسين ،ايسته ميره م!

اؤغوردونو اؤپوب دئييره م: هه، ايستميريك، قؤي قالسين!

 




بؤلوم : شعر
آنا يوردوم سني مندن آلان مني سندن آلان اولا بولرمي؟

فخر ائدرم من بو سؤزه:
جانيم - قانيمدير تبريزيم
سؤيله يرم من هر زامان 
چوخ ياشا شانلي تبريزيم!

جان ديله سن جان وئررم
ماليم - واريمدان گئچرم
سنين اوچون من اؤلرم
چوخ ياشا شانلي تبريزيم!

گونش كيمي نور ساچيرسان
تاريخه بير يول آچيرسان
ديليم ، سؤزوم ، ايمانيمسان
چوخ ياشا شانلي تبريزيم!

آدين دوشوبدور ديللره
ايلهام وئريب شاعيرلره
ايز قويوبسان تاريخلره
چوخ ياشا شانلي تبريزيم!

قوربان اولوم او سؤزلره
( ياشا تبريز ) دئينلره
جاندان گئچن عسگرلره
چوخ ياشا شانلي تبريزيم!

سن قهرمانلار يوردوسان
ظلمه ووروش اوردوسوسان
آذربايجان اولدوزوسان
چوخ ياشا شانلي تبريزيم!

چوخ دوغموسان مرد اوغوللار
ستارخانلار ، باقيرخانلار
باغبان كيمي ائل اوغلولار
چوخ ياشا شانلي تبريزيم!

بير قوش اولوب اوچايديم من
آزمانيندا گزيديم من 
هارايلاييب دئيرديم من
چوخ ياشا شانلي تبريزيم!

سن اويانيش بايراقيسان
آنام، آتام، قارداشيمسان
انقلابلار قايناقيسان
چوخ ياشا شانلي تبريزيم!

نسيم لرين سرين - سرين
نه گؤيچكدير گلينلرين
كؤرپه لريندير ائللرين
چوخ ياشا شانلي تبريزيم!

( بابكم) وورغونام سنه
گئچميشينه، تاريخينه
سئويملي او گؤزللره
چوخ ياشا شانلي تبريزيم!
( شعر : بابك قوجا اوغلو)

 




بؤلوم : شعر

بو چرخ فلك ترسينه دؤوران ائدير ايندي

فعله ده اؤزون داخل انسان ائدير ايندي
 

اولماز بو كي، هر امره دخالت ائده فعله
 

دؤولتلي اولان يئرده جسارت ائده فعله
 

آسوده نفس چكمه يه حالت ائده فعله
 

يا اين كي حقوق اوسته عداوت ائده فعله
 

بو چرخ فلك ترسينه دؤوران ائدير ايندي
 

فعله ده اؤزون داخل انسان ائدير ايندي
 

فعله، منه بير سؤيله، نه دن حرمتين اولسون؟
 

آخر نه سبب سؤز دئمه يه قدرتين اولسون؟
 

ال چك، بالا، دؤولتليلره خدمتين اولسون
 

آز– چوخ سنه وئرديكلرينه منتين اولسون
 

بو چرخ فلك ترسينه دؤوران ائدير ايندي
 

فعله ده اؤزون داخل انسان ائدير ايندي
 

دؤولتلي آماندير، اؤزونو سالما بلايه
 

فعله سؤزو حق اولسا دا، باخما او صدايه
 

يول وئرمه نفس چكمه يه هرگز فقرايه
 

اؤز شأنيني پوچ ائيله مه هر بي سر و پايه
 

بو چرخ فلك ترسينه دؤوران ائدير ايندي
 

فعله ده اوزون داخل انسان ائدير ايندي
 

آلدانما، فقيرين اولاماز عقلي، ذكاسي
 

چون يوخدور اونون سن كيمي پاكيزه لباسي

 

يوخ ثروتي، يوخ دؤولتي، يوخ شالي، عباسي
 

وار كهنه چوخاسي، دخي بير تكجه قباسي
 

بو چرخ فلك ترسينه دؤوران ائدير ايندي
 

فعله ده اوزون داخل انسان ائدير ايندي
 

ايسترسن اگر اولماغا آسوده جهاندا
 

تا اولمياسان غملره آلوده جهاندا
 

فعله اوزونه باخما بو بيهوده جهاندا
 

اؤز فكريني چك، اول دخي فرسوده جهاندا

 

بو چرخ فلك ترسينه دؤوران ائدير ايندي
 

فعله ده اوزون داخل انسان ائدير ايندي
 

گؤر ملتي نين درديني، آختارما دواسين
 

ال چكمه يتيمين باشينا، كسمه صداسين
 

زنهار، قويوب دهرده بير خير بناسين
 

ياد ائيلمه، شاد ائيله مه ملت فقراسين
 

بو چرخ فلك ترسينه دؤوران ائدير ايندي
 

فعله ده اوزون داخل انسان ائدير ايندي

 




بؤلوم : شعر


( یارپاق لار : ) 1  2  3  
باغلانتی لار
یارپاق لار
سایغاج
  • ایندی بلاق دا :
  • بوتون گؤروش لر :
  • بو گونون گؤروشو :
  • دونه نین گؤروشو :
  • بو آیین گؤروشو :
  • باخیش لار :
  • یازی لار :
  • یئنیله مه چاغی :