| � |
سنسيزيم گوزليم سنسيزيم گوزليم بلاقا گؤره سون یازی لار
آچما گؤزونو، خواب جهالتدن آييلما! لاي لاي، بالا، لاي لاي! يات، قال دالا، لاي لاي! آلدانما، آييقليقدا فراغت اولا، هيهات! غفلتده كئچنلر كيمي لذت اولا، هيهات! بيدار اولانين باشي سلامت اولا، هيهات! آت باشيني يات، بستر راحتدن آييلما! لاي لاي، بالا، لاي لاي! يات، قال دالا، لاي لاي! آچسان گؤزونو رنج، مشقت گؤره جكسن، ملتده غم، امتده كدورت گؤره جكسن، قيلديقجا نظر ملته حيرت گؤره جكسن، چك باشينا يورغانيني، نكبتدن آييلما! لاي لاي، بالا، لاي لاي! يات، قال دالا، لاي لاي! بير لحظه آييلدينسا، قوتار جانيني، يوخلا، آت ترياكيني، ميل ائله قليانيني، يوخلا، اينجينسه ساغين، وئر يئره سول يانيني، يوخلا، ايللرجه شعار ائتدييين عادتدن آييلما! لاي لاي، بالا، لاي لاي! يات، قال دالا، لاي لاي! گؤز نورودور اويقو، اونو دور ائتمه گؤزوندن، يول وئرمه مبادا چيخا بير لحظه سؤزوندن، اما ائله برك يوخلاكي، حتي گئت اؤزوندن، آفاقي دوتان شور و قيامتدن آييلما! لاي لاي، بالا، لاي لاي! يات، قال دالا، لاي لاي! بؤلوم : شعر بؤلوم لر یولداش لار باغلانتی لار یارپاق لار سایغاج
|
� |
| � |
 |
� |