پوزولوب باغي گولوستان سولاجاقميش، نه بيليم؟
عيشي- بولبول بئله بهرام اولاجاقميش، نه بيليم؟
بيلمديم من بئله دؤوراني-پريشان دولانار،
دولانيب دستي قضا چون دؤنجكميش، نه بيليم؟
نئيلميشديم فلكين چرخ كج انديشه سينه،
مني هيجرانه، عزيزيم، سالاجاقميش، نه بيليم؟
گول اولوب، بلبل اولوب، نظم گولوستان پوزولوب،
بو خزان دست قضادان قالاجاقميش، نه بيليم؟
گئديب ايام وصالين، اولاجاقميش بئله هيجر،
حسرتين پاكي اؤلونجه قالاجاقميش، نه بيليم؟
مني بيچارييه وارميش بو خيالين فلكين،
ظلم ايله بئله ويران اولاجاقميش، نه بيليم؟
ائي خدا، كيم داخي من تك غمي هيجرانه دوشوب،
روزي ازّل بئله تقدير اولاجاقميش، نه بيليم؟
چكدي نقاش وفا نقشيني بو لؤوح ديله،
اهلي ديل قدريمي، يا رب، بيله جكميش، نه بيليم؟

شعر: اوستا زينال نقاش